Антибиотикийг дур мэдэн хэрэглэх, буруу хэрэглэх, мал амьтанд хамаагүй хэрэглэснээр антибиотикт дасалтай нянгууд бий болоход маш хүчтэй нөлөөлж байгаа бөгөөд энэ нь Дэлхий нийтэд аюулын харанга дэлдэж байна. 

Яагаад гэвэл нянгийн тэсвэржилт үүсэх аюул нь цаашид бидний эмчилгээг сонголтгүй болгож, 2050 он гэхэд олон зуун эрдэмтдийн нээж илрүүлсэн антибиотик гэх гайхалтай бүтээлийг үгүй болгон, 1921 ондоо буцаад очиход хүргээд байгаа билээ. Тиймээс Ховд аймгийн БОЭТ-ийн эмч, эм зүйч нар ДЭМБ-ын “Антибиотикийн талаарх мэдлэг хандлагыг сайжруулах” аянд нэгдэж эм зүйн албаны санаачлагаар гаргасан амлалтын антибиотик эмийн хориглох дүрсэнд гарын үсэг зуран "АНТИБИОТИКИЙГ ХАРИУЦЛАГАТАЙ ХЭРЭГЛЭХЭЭ" амласан байна. Антибиотик эмийг буруу хэрэглэвэл уг эмэнд тэсвэртэй бичил биет хүний бие махбодид буй болдог. Энэ нь танд болон танай гэр бүлийнхэн дараагийн удаа антибиотик эмчилгээ хийлгэх шаардлага гарахад эмчилгээг үр дүнгүй болгох аюултай учраас Та антибиотик эмийг дур мэдэн бүү хэрэглэ!